O‘zMUda “Shaxmat va shashka” to‘garagi
Joriy yilning 29-aprel kuni Mirzo Ulug‘bek nomidagi National University of Uzbekistan Biologiya va ekologiya fakulteti talabalari ishtirokida navbatdagi “Shaxmat va shashka” to‘garagi tashkil etildi.
Mazkur to‘garak talaba-yoshlarning intellektual salohiyatini rivojlantirish, ularning mantiqiy fikrlash, diqqat va xotira qobiliyatlarini mustahkamlashga xizmat qilmoqda. Mashg‘ulotlar davomida ishtirokchilar shaxmat va shashka o‘yinlarining asosiy qoidalari, strategiya va taktikalarini o‘rganib, o‘z bilimlarini amaliyotda sinovdan o‘tkazdilar.
To‘garakning
asosiy maqsadlari
talabalarni shaxmat va shashka o‘yinlari qoidalari bilan tanishtirish
mantiqiy va strategik fikrlashni rivojlantirish
mantiqiy va strategik fikrlashni rivojlantirish
musobaqalarga tayyorlash hamda jamoaviy ruhni mustahkamlash
Doimiy faoliyat yo'lga qo'yilgan
Shuningdek, “Shaxmat va shashka” to‘garagi muntazam ravishda har haftaning chorshanba kuni universitet sport klubida soat 19:00 da o‘tkazib kelinmoqda. Bu esa talabalarning bo‘sh vaqtini mazmunli tashkil etish va ularni sog‘lom raqobat muhitiga jalb etishda muhim omil bo‘lmoqda.