Bugun, 17-noyabr kuni, Yevropa Ittifoqining O’zbekistondagi delegatsiyasi, Erasmus+ milliy ofisi, O’zbekiston Respublikasi Oliy ta’lim, Fan va innovatsiyalar vazirligi, Mirzo Ulug’bek nomidagi O’zbekiston Milliy universiteti, Erasmus+ loyihalari, Oliy ta’lim bo’yicha ekspertlar milliy guruhi a’zolari hamkorligida ERASMUS+ INFORMATION DAY (O’ZBEKISTONDA ERASMUS+ AXBOROT KUNI) nomli xalqaro konferensiya o’z ishini boshladi.
Xalqaro konferensiyani, O’zMU xalqaro aloqalar bo’yicha prorektori Raima Shirinova ochib berib, ERASMUS+ loyihalari O’zbekiston Milliy universiteti uchun xalqaro munosabatlarni rivojlantirish, akademik mobillikni tashkil etish, universitetda ta’lim sifatini oshirishda katta rol o’ynayotganini ta’kidlab o’tdi.
Yevropa Ittifoqining O‘zbekiston Respublikasidagi elchisi – Sharlotta Adriaen, Yevropa Ittifoqi O’zbekiston bilan ERASMUS+ loyihasi doirasida olib borilayotgan ilmiy va xalqaro loyihalarga o’z xissasini qo’shayotganidan mamnun ekanligini ta’kidlab o’tdi. |Oʻzbekiston Respublikasi Oliy taʼlim vazirligi xalqaro aloqalar bo’limi boshlig’i Yoqubjon Ergashev, «O’zbekiston Respublikasida olib borilayotgan ilmiy va xalqaro loyihalar» to’g’risida ma’ruza qildi.
ERASMUS+ INFORMATION DAY xalqaro anjumani davomida quyidagi masalalar ko’rib chiqilmoqda:
O‘zbekiston oliy ta’lim muassasalari ishtirok etishi mumkin bo’lgan barcha yo‘nalishlar bo‘yicha 2024-yil uchun yangi tanlov haqida ma’lumot berish;
Barcha yo‘nalishlar bo‘yicha amalga oshirilayotgan loyihalarning aniq misollari va oldingi tanlov doirasida tanlangan yangi loyihalar mavzulari bilan tanishtirish;
Yakunlangan va amalga oshirilayotgan loyihalar natijalarini hisobga olgan holda respublika oliy ta’lim tizimini rivojlantirishning dolzarb masalalari asosida respublikaning barcha viloyatlardagi oliy ta’lim muassasalari vakillari o‘rtasida aloqalar o‘rnatish va yangi loyiha g‘oyalarini muhokamasi;
Tajribasi kam bo’lgan yoki bundan oldin Erasmus+ loyihalarida qatnashmagan universitetlarga loyihani rivojlantirish bilan amaliy tavsiyalar berish va uslubiy yordam ko’rsatish.
Yevropa Ittifoqining O‘zbekiston Respublikasidagi elchisi – Sharlotta Adriaen:
Erasmus+ uchun ma’lumot kuni Bu bizda ko’proq imkoniyatlarni ko’rish uchun ekspertlar va universitetlar bilan uchrashish imkoniga ega ekanligimizni yana bir bor ko’rsatadi. Noyabr oyining oxirida bizda takliflar uchun yangi chaqiruv bo’ladi, bu narsalarni muhokama qilish, birgalikda nima qilishimiz mumkinligi haqida ko’proq bilish imkoniyatidir. Endi, ehtimol, eng muhimi shundaki, Erasmus O’zbekiston bilan so’nggi 29 yil davomida hamkorlik qilmoqda va biz O’zbekiston universitetlari va Yevropa universitetlari bilan hamkorlikni kuchaytirmoqdamiz va bundan juda faxrlanamiz, chunki ta’lim taraqqiyot va farovonlik asosi ekanligiga ishonamiz. Xususan, bugun biz, albatta, inklyuziv, raqamli va ekologik jihatdan qulayroq bo‘lgan universitetlar asosidagi hamkorlikni yaratmoqchimiz. Bu haqiqatan ham Yevropa uchun ham, O‘zbekiston uchun ham ambitsiya ekanligini bilamiz. Biz loyihani kengaytirish, ta’limni qulay va sifatli qilish imkoniyatini qidirmoqdamiz. Va bu ayniqsa muhim, chunki kelajakda biz yanada yaqin hamkorlikni yo’lga qo’yamiz.
