O‘zbekiston Milliy universitetida Amaliy matematika va intellektual texnologiyalar hamda Taekvondo va sport faoliyati fakultetlari tashabbusi bilan O‘zbek adabiy tili va adabiyoti rivojiga hissa qo‘shgan ikki ulug‘ zotlar – Alisher Navoiyning 583 yilligi va Zaxiriddin Muhammad Boburning 541 yilligi munosabati bilan ma’naviy-ma’rifiy tadbir tashkil etildi.
Mazkur tadbir ikki buyuk mutafakkir asarlarida teran ifoda topgan milliy va umuminsoniy g‘oyalarni keng targ‘ib qilish, talaba-yoshlar qalbida yuksak axloqiy fazilatlarni shakllantirish maqsadida o‘tkazildi.
O‘zbek filologiyasi fakulteti “Adabiyotshunoslik” kafedrasi dotsenti Shahlo Xojiyeva zabardast allomalarimizning bizga qoldirgan ulkan ma’naviy merosini asrab-avaylash hamda kelgusi avlodga yetkazish eng muhim vazifa va burch ekanligini yig‘ilish ishtirokchilariga atroflicha tushuntirib o‘tdi.
Tadbirning badiy qismida talaba-yoshlar tomonidan sahnalashtirilgan chiqishlar, Alisher Navoiy va Bobur qalamiga mansub g‘azal va ruboiylar yod olinib, yig‘ilganlarga havola etildi. Faol ishtirokchilar fakultet rahbariyati tomonidan taqdirlandi.