Xabaringiz bor, Matematika yo‘nalishida ta’lim olayotgan talabalar va tadqiqotchilar uchun Akademik Toshmuhammad Aliyevich Sarimsoqov nomidagi stipendiya joriy etildi.
Akademik T.A.Sarimsoqov nomidagi stipendiya kvotasi:
- 5 nafar bakalavriat talabasi uchun (10 oy muddatga har oyda 750 ming so‘mdan);
- 5 nafar magistrant uchun (10 oy muddatga har oyda 1 mln. so‘mdan);
- 5 nafar tayanch doktorant (2021 yil uchun 10 oy muddatga har oyda 1,5 mln. so‘mdan) uchun belgilandi.
O’zbekiston Milliy universiteti Matematika fakulteti magistranti Davrbek Oltiboyev, 4-bosqich talabasi Farrux Mahmudov akademik Toshmuhammad Sarimsoqov nomidagi stipendiya sovrindori bo’ldi.
Stipendiya O’zR FA V. I. Romanovskiy nomidagi Matematika instituti huzuridagi matematika fani va ta’limini rivojlantirishni qo’llab-quvvatlash jamg’armasi tomonidan 2023-2024 o’quv yilida har oyda to’lanadi.